CUALIFICACIÓN

TODOS OS PÚBLICOS

 Sinopse

Xusto cando a súa avoa está a piques de perder a casa na que vive, Arthur recorda que o seu avó faloulle dun gran tesouro oculto na terra dos Minimoys, un universo de pequenos seres fantásticos, tan afastado e con todo tan próximo e invisible ao ollo humano. Decidido a salvar á súa avoa, Arthur conseguirá a chave para entrar nel e alí coñecerá á princesa Selenia e ao seu irmán Betameche. Xuntos buscarán o tesouro escondido e deberán enfrontarse ao diabólico M. Unha historia repleta de aventuras que nos ensinará que, en ocasións, os pequenos heroes son capaces de conseguir grandes logros. Trátase do maior proxecto de animación creado en Europa, o resultado do traballo durante 5 anos de máis de 200 animadores e o investimento de 65 millóns de euros. Dirixe Luc Besson (Paris, 1959) tras Kamikaze 1999 (1981), Subway (En busca de Freddy) (1985), O gran azul (1988), Nikita (1990), Atlantis (1991), León, o profesional (1994), O quinto elemento (1997) e Juana de Arco (1999).